Мұғалімдер күні

Бастауыш сынып мұғалімі – өз оқушыларының қалыптасуында үлкен рөл атқарады. Ол әрі педагог, әрі психолог, әрі тәрбиеші. Бастауыш сынып мұғалімі тек білім беріп қана қоймайды, балаларды оқуға үйретеді. Ал бұл үдерістің қаншалықты сәтті өтуіне баланың ары қарайғы оқу жетістігі байланысты.

Светлана Николаевна Нижник бастауыш сынып мұғалімі болып 25 жыл еңбек етіп келеді. Жұмыс барысында өзін жауапкершілігі жоғары, қарым-қатынасқа бейім, еңбекқор педагог ретінде көрсете білді. Еңбек жолын Поповка ауылында бастап, ол жерде мектеп жабылғанға дейін 17 жыл қызмет атқарды. Кейін Атбасар қаласындағы №5 мектепте жұмыс істеді. 2019 жылдан бастап Светлана Николаевна Родионовка ауылының негізгі мектебінде еңбек етуде.

Өз жұмысының ең басты қасиеті ретінде Светлана Николаевна балаларға деген сүйіспеншілікті атап өтеді. Бұл қасиетсіз бірде-бір педагог қалыптаспайды. Сондай-ақ, әсіресе кішкентай балалармен жұмыс істегенде шыдамды болу қажет.

Бастауыш сынып мұғалімінің басты міндеті – балаларды тек оқуға, жазуға үйрету ғана емес, сонымен бірге оларды тәрбиелеу, ересектермен де, құрбыларымен де әдепті, сыпайы болуға баулу. Кішкентайлардан тату да жауапты ұжым қалыптастыру үшін үлкен жұмыс атқару қажет, ал ондай ұжымда әр бала өмірдің кез келген сәтінде бір-бірін қолдап, қорғай біледі. Міне, осының барлығы бастауыш сынып мұғалімінің еңбегі. Бұл жұмыс қиын да, жауапты да, бірақ сонымен бірге өте қуанышты, себебі өз оқушыларыңның өсіп, азамат болып қалыптасқанын көру – үлкен бақыт.

Алдағы Ұстаздар күні мерекесі қарсаңында Светлана Николаевнаға зор денсаулық, шыдамдылық, сарқылмас жігер және бейбіт аспан тілейміз!